LISTSERV mailing list manager LISTSERV 15.5

Help for GAELIC-L Archives


GAELIC-L Archives

GAELIC-L Archives


View:

Next Message | Previous Message
Next in Topic | Previous in Topic
Next by Same Author | Previous by Same Author
Chronologically | Most Recent First
Proportional Font | Monospaced Font

Options:

Join or Leave GAELIC-L
Reply | Post New Message
Search Archives


Subject: Re: Re[2]: an gra/ ar an aer
From: Panu H|glund TYS <[log in to unmask]>
Reply-To:Panu H|glund TYS <[log in to unmask]>
Date:Fri, 12 Sep 1997 13:43:29 +0300
Content-Type:TEXT/PLAIN
Parts/Attachments:
Parts/Attachments

TEXT/PLAIN (31 lines)


On Fri, 12 Sep 1997, PAT FOLAN wrote:
>
> Shíl mise go ndéarfá beirt más daoine a bhí i gceist agus péire mara
> mba é. Níor chuala mé dís ariamh. Simiúl !
Tá go maith. Sin é an chaoi a d'fhoghlaim mé ar dtús, ach de réir a
chéile thug mé fa dear ins an litríocht go n-úsáidtí "beirt" fiú ma bhí
rudaí seachas daoiní i gceist, MURA rabh aon ainmfhocal ag teacht ar lorg
an fhocail "beirt". Is é sin, thig leat "beirt daoiní" a rádh, thig leat
"dhá rud" a rádh, agus ansin, thig leat "an bheirt" a thabhairt ar an "dá
rud" seo mura bhfuil aon fhocal ag teacht go díreach ar lorg an "bheirt"
lena léiriú cén seort rudaí iad. Sin é mar a d'fhoghlaim mé é.

Maidir leis an fhocal "dís", is réasúnta mall a tháinig mise air.
Dealraíonn sé nach rabh teacht air ins an chéad téacsleabhar dár úsáid mé
- agus b'í do chanúint féin, Gaeilge Chonamara, a bhí le fáil ansin, ins
an leabhar udaí Learning Irish. Cibé scéal é, má d'fhoghlaim mé é sách
maith, chan úsáidtear "dís" ach le tagairt a dhéanamh do DHAOINI - cha
dtig leat *dís bróg ná *dís osán a rádh dar liom, mura bhfuil tú ag
dearg-mhagadh. (Ar ndóigh ba chóir an cheist seo a chur faoi bhráid
Chiaráin i mBéal Feirste. Mura gcuala tú an focal "dís" ariamh gidh go
bhfuil sé agam is dóichí ná a mhalairt gur focal é de chuid Chúige Uladh
go bunúsach.) Bíonn dís go minic ar comhchiall le lánúin dar liom -
baintear úsáid as le tagairt do phéire daoiní nach bhfuil ar comhghnéas
le chéile agus a bhfuil cumann ínteacht eatarthu.

Tá mé ag súil go dtig leat éirim a bhaint as an tseanbhaile seo - nó an eadh
gur "paidir chapaill" a deirtear i gConamara seachas "seanbhaile"? Is é
is brí le "seranbhaile" ná scéal ró-shínte leadránach  neamhshuimiúil.
Mar a d'úirt mé thoisigh
mé mo chuid Gaeilgeoireachta le Gaeilge Chonamara ach ní féidir liom a
thuilleadh na geáitsí Ultacha seo a chur i leataoibh, is baolach.

Back to: Top of Message | Previous Page | Main GAELIC-L Page

Permalink



LISTSERV.HEANET.IE

CataList Email List Search Powered by the LISTSERV Email List Manager