LISTSERV mailing list manager LISTSERV 15.5

Help for OLD-IRISH-L Archives


OLD-IRISH-L Archives

OLD-IRISH-L Archives


View:

Next Message | Previous Message
Next in Topic | Previous in Topic
Next by Same Author | Previous by Same Author
Chronologically | Most Recent First
Proportional Font | Monospaced Font

Options:

Join or Leave OLD-IRISH-L
Reply | Post New Message
Search Archives


Subject: Re: Echtra Nerai II.37
From: Dennis King <[log in to unmask]>
Reply-To:Scholars and students of Old Irish <[log in to unmask]>
Date:Mon, 8 Mar 2004 17:19:11 -0800
Content-Type:text/plain
Parts/Attachments:
Parts/Attachments

text/plain (81 lines)


An chéad abairt eile:

a)  Is hi in bliadain sin dana intsainrud luidi Fergus
     mac Roich a crich hUloth for lunguis co hAilill
     ocus Meidb co Cruachna Aii.

a1) Is(s)inbliadain ... doshondrud doluidh ... nulad ...

An caighdeánú sealadach (cuid a dó) go nuige seo:

6.  Da·mbeir [íarum / íar sin] dochum a réige a f*rithis(s)i.
Ocus do·tét Nerae for a chúlu do Chrúachnaib.  Co·n-accae
ní, ro·loscad a ndún ar a chiunn ocus co·n-accae cendail
a muintire lasna h-ócu ón dún.  Téit i ndiad int s*lúaig
íarum i n-úaim Crúachan.  "Fer [h]i lorg so," ol in fer
déidenach fri Nerae.  "Trummu a llorg fris [a llorg-so],"
ol a chéile fri suide 7 asbert cach fer fria chéile in
focul ónd f*iur déidenach cosin fer toísenach.  Íar sin
ro·segat síd Crúachan ocus lotar isa síd.  Gaibthir
taisbénad inna cenn íarum dond ríg fíado-som isint síd.
"Cid do·géntar dond f*iur tánaicc lib?" ol fer díib-sium.
"Táet ille cond[a]·n-acallar-sa," ol in rí.  Do·tét cuccu
[cuccai] íarum ocus as·bert in rí fris: "Cid dot·u[i]c
lasna h-ócu isa síd?" ol in rí fris.  "Hi comaitecht
[coimitecht] do s*lúaig-siu," ol Nerae.  "Eirc don taig
ucut tall trá," ol in rí.  "At·tá ben oentama and.  Dénad
maith frit.  Abair frie is úaim-se foíter cuicce.  Ocus
tair-siu cach día co cúail chondaid don taig-seo."

7.  Do·gní[th]-sium íarum a n-í-sin [amal / amail] as·breth
fris. Ferthair íarum fáilte fris 7 as·bert: "Fochen duit,
masu hé in rí rot·f*oíd ille."  "Is hé é[i]m," ol Nerae.
No·téiged Nerae íarum co cúail chondaid don dún cach día."
Ad·cíd asin dún immach cach día ar a chiunn dall ocus
baccach fora muin.  No·téigtis co·mbítis for ur inna
tiprat i ndorus in dúin[e].  "In·fil and?" ol in dall.
"Fil é[i]cin," ol in baccach.  "Tíagam ass dano!" ol
in baccach [dall?].

8.  Ro·íarfacht Nerae íarum a n-í-sin don mnaí.  "Cid
taithigit,"ol sé, "in dall ocus in baccach don tiprait?"
"Taithigit in mbarr fil isin tiprait," ol in ben, ".i.
mind n-óir bís for ciunn ind ríg.  Is and do·coisegar."
"Cid armbad in dias ucut [no·thaithiget / occa taithigid]?"
ol Nerae.  "Ní [h-]ansae," ol sí, "úair rob íat robo
tairisiu lasin ríg do thaithigid in bairr.  Ro·dallad
indala fer ocus ro·baccad araile."  "Tair ille biucc,"
ol Nerae fria mnaí, "[co·n-écius duit / co·n-écis dom]
ní [dom / dim] imthechtaib colléic."  "Cid dot·arfas?"
ol in ben.  "Ní [h-]ansae," ol Nerae.  "In tan ro·mbá
oc tuidecht isa síd, andar lemm ro·ort[a] Ráith Chrúachan
ocus do·rochair Ailill ocus Medb cona tegluch [h]uiliu
and."  "Ní fír é[i]m ón," ol in ben, "acht is slúag
síabrae dot·ánaicc.  Fírfidir  a n-í-sin," ol sí,
{mani·foil[l]sigfither-som / mani·foil[l]sig[f]ed-som}
dia chéilib.  "Cindas béra-sa robud dom muintir?" ol
Nerae.  "Eirg a ndochum," ol sí.  "At·taat immon coire
cétnae beus, ocus ní·tallad in lucht don tenid cose."
Sech ba [h-]áirem trí [tri] lae ocus téora n-aidche
leis-sium boíe isint s*íd.  "Apair [eipir] friu,
airichlither immon Samuin-seo do·thét, mani·táesat-som
do orguin int s*íde.  Ar do·rairngered [do·rairngred]
doib-sium ón: orgu[i]n int s*íde do Ailill ocus do
Meidb ocus in barr Briuin do brith [breth] doib ass."

9.  Is ed tréide fríth [h]i suidiu .i. cétach Lóegairi
[h]i nArd Macha ocus in barr [Briúin/Brïuin] la Connachta
ocus ind enech Dúnlainge [?] la Laigniu [h]i Cill Daro.

10.  "Cindas creitfider úaimm-se techt isa síd?" ol Nerae.
"Beir toir[thiu/-thea/-thi] samraid latt," ol in ben.
Do·bert íarum crem leis[s] ocus sobairche ocus buiderad.
"Et bia torrach-sa uait," ol sí, "ocus béra macc duit.
Ocus dom·í-se fis-scél úait, in tan ticfea do muinter
do orguin int s*íde, co·ruccae do muintir ocus do chethrai
asint s*íd."

11.  Luid Nerae íarum coa muintir, conda[s]·fúair immon
coire cétnae, ocus ad·fét scéla doib.  Ocus do·breth dó
íarum a chlaideb, ocus anais lia muintir co cenn mblíadnae
íar sin.

Back to: Top of Message | Previous Page | Main OLD-IRISH-L Page

Permalink



LISTSERV.HEANET.IE

CataList Email List Search Powered by the LISTSERV Email List Manager