Déardaoin, 24 Lúnasa 2000, scríobh Vincent Morley:

> Ní bheadh Scott, ná baol air. Ní féidir le foclóir póca bheith
> cuimsitheach. Ní foláir rogha a dhéanamh agus tús áite a
> thabhairt do réimsí áirithe focal thar réimsí eile.

B'fhéidir é.  Ach ní dóigh liom gur foclóir póca nua atá ag
teastáil faoi láthair, ach foclóir a thiocfaidh i gcomharbacht ar fhoclóir
de Bhaldraithe.   Agus ba chóir go mbeadh foclóir den sort san chomh
cuimisitheach agus is féidir.

Is dosheachanta an rud é go roghnóidh lucht na bhfoclóirí focail áirithe
thar fhocail eile.  Ach aon fhoclóir Béarla-Gaeilge go bhfuil
réimsí na bhfocal Béarla ann níos teoranta, ó thaobh canúintí dhe, ná
réimse na bhfocal Gaeilge, is cúng an foclóir é, agus lochtach.

Ar aon nós, ní thógfadh sé ach cúig leathanach sa mbreis chun na focail
sain-Éireannacha a chur isteach i bhfoclóir Collins, gan mórán dua.  Ní gá
rogha a dhéanamh.  Má tá locht i bhfoclóirí Collins agus Oxford ar an
abhar so, is locht soleighiste é.


-Scott O.