>
> Ba chóir go dtabhairfeadh foclóir Gaeilge-Béarla aird ar shainiúlachtaí
> Bhéarla na hÉireann, agus d'aontóinn gur lochtach an focloir ná déanfadh
> amhlaidh.  Ach ní leor é sin.  Ní foláir d'aon fhoclóir Gaeilge-Béarla
> éagsúlacht an dá theanga a chur san áireamh.  Bheadh foclóir a dheineann
> neamhaird ar Bhéarla Shasana nó Béarla na Meiriceánach chomh lochtach
> céanna le foclóir a dheineann faillí ar Gaeilge na Mumhan, mar shampla.

Is é mo thuairim féin nach leor foclóir nach dtugann de mhíniú ar na
saintéarmaí cultúrtha Gaelacha ach an leagan Béarla Éireannach nach
bhfuil ann go bunúsach ach saobhlitriú ar an fhocal Gaeilge - táim ag
tagairt do théarmaí ar nós "ballybetagh", "gallowglass", "woodkern" nó
fiú "townland". Sinne, na Gaeilgeoirí iasachta, nach bhfuil againn ach
Béarla na scoile ag cromadh ar an teanga a fhoghlaim dúinn, is beag an
cuidiú dúinn "pampootie" mar mhíniú ar "pampútaí". Mar sin, ní leor an
téarma "Hiberno-English" gan míniú nó soiléiriú timchainteach Béarla a chur
leis.

-------------------------------------------------------------------------------

    Panu Petteri Höglund  - Saoi ins na hIlbhéarlaibh

     http://www.geocities.com/Athens/8308

   "Aon uair amháin a gheibh duine ciall, tá deireadh aige
    le haoibhneas an tsaoghail."

     Séamus Ó Grianna: "Caisleáin Óir"