D'fhiafraigh Pádarig:

     Cad go baileach atá sa chailleach dhearg sin agus an bhfuil sé aon
     phioc níos cruinne mar fhocal ná an poipín le cur síos ar an bhláth
     thuas?

Dar le _Ainmneacha Plandaí agus Ainmhithe_ (Oifig an tSoláthair, 1978), tá
go leor poipíní éagsúla ann, mar atá:

     Poipín [poppy]
     Poipín deilgíneach [prickly poppy]
     Poipín fadchochallach [long-headed poppy]
     Poipín garbh [rough poppy]
     Cailleach dhearg [common poppy / corn poppy]
     Codlaidín [opium poppy]

Dar le _Flóra Chorca Dhuibhne_ (1995), "cailleach fhada" is ea an
"long-headed poppy". Dar ndóigh, níl na téarmaí éagsúla seo go hiomlán
caighdeánaithe, agus tá (nó bhíodh) ainmneacha éagsúla le fáil i gceantair
éagsúla.

Beir beannacht.

Séamas Ó Brógáin
----------------