LISTSERV mailing list manager LISTSERV 15.5

Help for GAELIC-L Archives


GAELIC-L Archives

GAELIC-L Archives


View:

Next Message | Previous Message
Next in Topic | Previous in Topic
Next by Same Author | Previous by Same Author
Chronologically | Most Recent First
Proportional Font | Monospaced Font

Options:

Join or Leave GAELIC-L
Reply | Post New Message
Search Archives


Subject: Re: Gladiator
From: Sean O Seaghdha <[log in to unmask]>
Reply-To:Sean O Seaghdha <[log in to unmask]>
Date:Fri, 23 Jun 2000 07:09:53 +1000
Content-Type:text/plain
Parts/Attachments:
Parts/Attachments

text/plain (47 lines)


Bhuel, chuaigh mé amach in ainneoin na haimsire agus bhain mé an-
taithneamh as an scannán seo.  An-scannán go deimhin!  Bhí sé ro-
fhada, b'fhéidir, ach bhí mé réidh leis sin.  Is scannán de chuid
Ridley Scott é gan dabht gan aimhreas.  Uaireantaí, ceapann tú go
bhfuil tú ag féachaint ar fhuagra teilifíse den ard-aicme nó físeán
ceoil (nó fís féin) tá sé chomh snasta sin.

Ní raibh an foréigean thar fulaingt - bhí níos mó spreagadh na
samhlaíochta ná taispeáint gharbh ann.  Mar shompla, feiceann tú
claíomh ag teacht i ngar do ghéag duine, ach ní fheiceann tú an lámh
bainte dhe (ach i do cheann ar ndóigh).  Is maith an rud go raibh sé
mar sin mar is duine sách lagáiseach mise.  Is fuath liom duine nó
ainmhí a fheiceáil i bpian agus mar sin bhí mo shúile (nó ceann
dhíobh) dúnta agam ó am go ham.  Caithfidh mé a rá go bhfuil cuid
mhaith troda sa scannán seo, áfach, agus mar sin ní thaithníonn sé le
'chuile dhuine.

Bhí an ceol ar fheabhas, dar liomsa.  Is í Lisa Gerard (ón ngrúpa sin
"Dead Can Dance") duine den bheirt a chum é.  Ceol álainn taibhsiúil
agus beagán buartha é agus an-oiriúnach do stíl agus ábhar an
scannáin.

Aontaím le Tony go hiomlán fán gcaoi ina léiríonn an scannán tábhacht
dhéithe Maximi (Maximus is ainm don ghliadhaire seo).  Ní mé an
féidir go mba déithe Ceilteacha iad (agus déithe teaghlaigh leis) mar
b'as Hispania é Maximus.  Ar ndóigh ní bhfuair muid mórán eolais
futhu agus sin gné eile den scannán a thaithnigh go mór liom.  Cé gur
iomaí rud a léirigh siad fá shaol na hImpireachta Rómhánaí ní raibh
mórán míniúchán ann, rud gur fíor-deacair a chur isteach i scannán
gan an fuinneamh a chailleadh ar aon chaoi.  Luaigh Tony agus Gary an
cath in Germania ag tús an scannáin.  Thug an radharc seo léargas
iontach dhúinn ar chumhacht, oilteacht, éifeachtacht, smacht agus
cruálacht an airm Rómhánaigh agus ar chalmacht na nGearmánach bocht a
bhí ar a n-aghaidh ar ndóigh.

Thaithneodh sé níos fearr liom dhá mbeadh scéal eile ann (cén uair an
bhfeicfidh muid an leagan big-budget de "I Claudius"?) mar ní chuirim
mórán suime sa troid, ach mar sin fhéin is scannán iontach maith é.

Chuaigh mé chuige in éidí le cara agus ní bhfuair mé ach focal amháin
(beagnach) uaidh - "leadránach".  Níl mórán foighde ag an duine bocht
faraor.  Chacun son goût mar a deir na Francaigh.

`~:.,.:'^`~:.,.:'^`~:.,.:'^`~:.,.:'^`~:.,.:'^`~:.,.:'^`~:.,.:'^`~:.,.:'^`~
 S e á n   Ó   S é a g h d h a                   [log in to unmask]

Calumnies are answered best with silence.                     Ben Johnson.

Back to: Top of Message | Previous Page | Main GAELIC-L Page

Permalink



LISTSERV.HEANET.IE

CataList Email List Search Powered by the LISTSERV Email List Manager